پشاور (این این آئی)الیکشن کمیشن نے خیبر پختونخوا میں بلدیاتی الیکشن کا دوسرا مرحلہ مؤخر کرنے کی درخواست مسترد کر دی۔تفصیلات کے مطابق خیبرپختونخوا میں بلدیاتی انتخابات کا دوسرا مرحلہ مؤخرکرنے کی درخواست پر الیکشن کمیشن نے سماعت کے بعد فیصلہ محفوظ کردیا تھا

جسے منگل کو چیف الیکشن کمشنر سکندر سلطان راجہ نے محفوظ فیصلہ پڑھ کر سنایا۔چیف الیکشن کمشنر نے کہا کہ سپریم کورٹ کی ہدایت کے مطابق سب فریقین کو سنا،الیکشن اعلان شدہ شیڈول کے مطابق ہی ہوں گے۔خیال رہے کہ خیبرپختونخوا میں دوسرے مرحلیکے بلدیاتی انتخابات 31 مارچ کو ہوں گے۔واضح رہے کہ اس سے قبل پشاور ہائی کورٹ ایبٹ آباد بینچ نیکے پی حکومت کی درخواست پر اپنے فیصلے میں کہا تھا کہ مارچ میں پہاڑی علاقوں میں سردی اور برفباری کے سبب انتخابات ہونا ممکن نہیں لگتا، لہٰذا پہاڑی علاقوں میں بلدیاتی انتخابات کا دوسرا مرحلہ رمضان کے بعد کرانے کا شیڈول دے۔اس فیصلے کے خلاف الیکشن کمیشن نے سپریم کورٹ سے رجوع کیا تھا جس پر عدالت عظمیٰ نے الیکشن کمیشن کو نئے شیڈول پر انتخابات روکنے سے متعلق خیبرپختونخوا حکومت کی استدعا مسترد کرتے ہوئیکے پی بلدیاتی انتخابات کا دوسرا مرحلہ مؤخرکرنے کی اپیل نمٹادی تھی اورکہا تھا کہ انتخابی شیڈول کا اجراء اور انتخابات کروانا الیکشن کمیشن کا کام ہے۔