استنبول(نیوز ڈیسک)ترکی میں فٹ بال میچ کے دوران تماشائیوں کو گرمی لگی تو فائر برگیڈ سے مدد مانگ لی۔ عملے نے تماشائیوں پر ٹھنڈے ٹھنڈے پانی کی بوچھاڑ کردی۔ جنوبی صوبے ادانا میں میچ کے دوران درجہ حرارت تیس ڈگری سینٹی گریڈ تک پہنچ گیا ، جب کہ ہوا میں نمی کا تناسب اسی فیصد تھا۔ سخت گرمی میں شائقین کا برا حال ہوگیا اور انہوں نے قریب ہی موجود ا?گ بجھانے والی گاڑی کو دیکھ کر ’ہمیں ٹھنڈا کردو‘ کے نعرے لگانے شروع کردیے۔ فائربریگیڈ کے عملے نے بھی تماشائیوں پر پانی کی بوچھاڑ کردی۔ اس پر شائقین اتنے خوش ہوئے کہ فائر بریگیڈ کے حق میں نعرے لگانے لگے۔