نیو یارک(این این آئی) ایک جرمن مصور اور مجسمہ ساز نے نیویارک کے سینٹرل پارک میں خالص سونے کا ایک بڑا اور وزنی چوکور ٹکڑا کھلے عام رکھ دیا ہے جس کی مالیت 11.7 ملین ڈالر(دو ارب پاکستانی روپے سے بھی زیادہ)بتائی جارہی ہے۔24قیراط سونے سے بنا ہوا یہ مکعب (چوکور ٹکڑا)410 پونڈ وزنی ہے جبکہ اس کی نگرانی پر کوئی سیکورٹی گارڈ بھی موجود نہیں۔اس فن پارے کے تخلیق کار نکلاس کاستیلو نے

اسے زمین کی بنیاد (سوکلے دو موندے)کا نام دیا ہے اور ان کا کہنا تھا کہ سونے کا یہ وزنی ٹکڑا دراصل قدیم و جدید زمانوں میں مکالمے کو ظاہر کرتا ہے۔قدیم زمانے میں سونا معیشت کا بنیاد تھا لیکن جدید دور کی معیشت میں کرپٹو کرنسی کا کردار بڑھتا جارہا ہے۔ یہ فن پارہ ان دونوں میں تعلق اور مکالمے کا اظہار ہے۔