لاہور (این این آئی) پنجاب حکومت نے مری جانے والے تمام راستے بند کرنے کا اعلان کرتے ہوئے شہریوں کو خبردار کیا ہے کہ وہ ہرگز مری کا رخ نہیں کریں۔نجی ٹی وی کے مطابق حکومت نے صورتحال بہتر نہ ہونے پر مری جانے والے تمام راستے بند کرنے کا اعلان کردیا اور شہریوں کو تنبیہ کی ہے کہ وہ صورتحال بہتر ہونے تک مری جانے والوں راستوں کا رخ نہ کریں۔اس حوالے سے چیف سیکریٹری پنجاب کامران افضل علی نے کہا ہے کہ ہم مری جانے والے تمام راستے بند کررہے ہیں اس لیے کہ مری میں صورتحال تبدیل نہیں ہوئی، سڑک پر جمی برف نے ڈرائیونگ مزید مشکل بنادی ہے، شہری مری کا رخ نہ کریں۔