فیصل آباد (این این آئی)فیصل آباد میں قبر سے لاش غائب کرنے کا ایک اور واقعہ سامنے آگیاجس کے باعث علاقے میں خوف وہراس پھیل گیا ۔پولیس نے مرحوم کے رشتے داروں کے خلاف مقدمہ درج کر کے ایک ملزم کو گرفتار کرلیا ۔پولیس کے مطابق جڑانوالہ کے رہائشی محمد حسین کا انتقال 7 روز قبل ہوا تھا جنہیں وصیت کے مطابق انکی زرعی زمین

میں دفن کیا گیا تھا۔تدفین کے وقت مرحوم کے رشتے داروں نے مخالفت کی تھی تاہم اہل علاقہ کے دبائو پر مرحوم کی تدفین وصیت کے مطابق کی گئی، بعد میں نامعلوم ملزمان نے قبر کھود کر لاش غائب کردی۔خیال رہے کہ کچھ روز قبل بھی گڑھ فتح شاہ کے علاقے میں بھی ایک شخص کی لاش قبر سے نکال کر غائب کیے جانے کا واقعہ پیش آیا تھا۔