اسلام آباد (این این آئی)وفاقی وزیر داخلہ شیخ رشید نے کہا ہے کہ خیبرپختونخوا سے اگر گزشتہ روز لوگوں کو مری آنے سے روک دیاجاتا تو سانحہ نہ ہوتا۔ وزیر داخلہ شیخ رشید احمد نے ایک انٹرویومیں کہاکہ گلڈنہ، باڑیاں، گلیات اور نتھیاگلی جلد کلیئر ہوجائے گی، اتوار کی صبح تک حالات قابو میں آجائیں گے۔ انہوںنے کہاکہ خیبرپختونخوا سے اگر گزشتہ روز لوگوں کو مری آنے سے روک دیاجاتا تو سانحہ نہ ہوتا ۔وزیرداخلہ کا کہنا تھاکہ شدید برفباری ہوئی تامہم محکمہ موسمیات کی طرف کسی کی نظر نہ گئی کہ اتنی بڑی تباہی ہوسکتی ہے، گلڈنہ، گلیات اور باڑیاں میں برفباری سے صورتحال زیادہ خراب ہوئی، کوشش کریں گے آئندہ بہتر انتظامات کریں۔ان کا کہنا تھا کہ کل راولپنڈی اور اسلام آباد بند کر دیا لیکن خیبرپختونخوا کی جانب دھیان ہی نہیں گیا۔