اسلام آباد (این این آئی)پاکستان علماء کونسل اور دارالافتاء پاکستان نے کہا ہے کہ مری سانحہ میں جاں بحق ہونے والے افراد کی لاشوں کی حرمت اور ان کے لواحقین کے جذبات اور احساسات کا خیال رکھتے ہوئے گذارش ہے کہ لاشوں کی ویڈیوز اور تصاویر کو سوشل میڈیا پر شیئر نہ کیا جائے۔ پاکستان علماء کونسل کے مرکزی چیئرمین حافظ محمد طاہر محمود اشرفی ، مولانا نعمان حاشر ، مولانا طاہر عقیل اعوان، مولانا ابوبکر صابری ، مفتی عمر فاروق ، مفتی عمران معاویہ ، مفتی فلک شیر نے عوام الناس سے اپیل کی کہ وہ مری میں جاں بحق ہونے والے افراد کی تصاویر کو سوشل میڈیا پر شیئر نہ کریں۔