کراچی(این این آئی)وزیر اطلاعات و محنت سندھ سعید غنی نے اسد عمر کے بیان پر ردعمل میں کہا ہے کہ پی ٹی آئی کے ارسطو خوابوں سے نکل کر حقیقی دنیا میں آئیں۔ اپنے بیان میں سعید غنی نے کہا کہ پیسوں کے عوض پنجاب، پختونخوا اور اسلام آباد میں تبادلے ہورہے ہیں۔

پی ٹی آئی کے تین سالہ دور میں ہر محکمے کے درجنوں سیکریٹریز کے تبادلے کیوں ہوئے ہیں؟۔انہوں نے کہا کہ ارسطو پہلے درجنوں آئی جیز، ڈی آئی جیز، ڈی پی اوز کے تبادلے کی وجوہات بتائیں۔ سعید غنی نے کہا کہ اسد عمر بتائیں کہ پاک پتن میں نے کہا کہ اکس کی پرچی چلتی ہے؟۔اسد عمر بتائیں کہ عثمان بوذدار کس کی پرچی پر آئے ہیں ؟۔سعید غنی نے کہا کہ سندھ میں ملازمتیں شفاف طریقہ کار کے مطابق دی جارہی ہیں۔سندھ میں حال ہی میں 47 ہزار اساتذہ میرٹ پر بھرتی کئے گئے ہیں۔ سعید غنی نے کہا کہ اسد عمر کو نااہلی کی بنیاد پر ملازمت سے پھر وزارت سے نکالا جا چکا ہے۔اسد عمر قوم کو بتائیں کہ انہیں دوبارہ وزارت کس کی پرچی پر ملی ؟۔