اسلام آباد (این این آئی)وفاقی وزیر اطلاعات و نشریات چودھری فواد حسین نے کہا ہے کہ کورونا وائرس کے باوجود پاکستانی سٹاک مارکیٹ کا 10سا ل کی بلند ترین سطح پر ہونا بڑی کامیابی ہے۔ ایک ٹوئٹ میں وفاقی وزیر اطلاعات و نشریات چودھری فواد حسین نے کہا کہ پاکستانی سٹاک مارکیٹ نے 258ارب روپے کے مجموعی منافع کا دعوی کیا ہے جس سے پاکستانی سٹاک مارکیٹ 10سالوں میں سب سے بلند ترین سطح پر ہے۔ انہوں نے کہا کہ یہ بڑی کامیابی کورونا وائرس کی عالمگیر وباء کے باوجود حاصل ہوئی ہے۔

موضوعات:سٹاک مارکیٹ