لاہور(این این آئی)گلشن اقبال کے علاقہ میں مبینہ طو رپر میاں بیوی نے معمولی جھگڑے پر ایک دوسرے کو قتل کر دیا،پولیس نے فرانزک ماہرین کی مدد سے جائے وقوعہ سے شواہد اکٹھے کرنے کے بعد لاشوں کو پوسٹمارٹم کے لئے مردہ خانے منتقل کردیا۔بتایا گیا ہے کہ گلشن اقبال کے علاقہ میں واقعہ عمر بلاک کے ایک گھر میں معمولی تنازعدے پر میاں بیوی کا جھگڑا،آپس کے جھگڑے کے دوران مبینہ طو ر پر میاں بیوی نے ایک دوسرے کو قتل کر دیا۔میاں بیوی کی شناخت معظمہ اور عثمان بابر کے نام سے ہوئی ہے۔اطلاع ملتے ہی پولیس اور فرانزک ٹیمیں موقع پر پہنچ گئیں جنہوں نے شواہد اکٹھے کرنے کے بعد لاشوں کو پوسٹمارٹم کے لئے مردہ خانے منتقل کر دیا۔