اسلام آباد (آن لائن) وفاقی کابینہ نے ملزم عبدالقادر احسان کی پاکستان سے یوکے حوالگی کی منظوری دیدی،ذرائع کا کہنا ہے کہ وزارت داخلہ کی جانب سے ملزم کی یوکے حوالگی کی سمری پیش کی گئی۔ کابینہ اجلاس میں نیشنل انسٹیٹیوٹ آف انٹیلی جینس اینڈ سکیورٹی سٹڈیز کے قیام کی سمری موخر کر دی گئی ۔ اجلاس میں کراچی پورٹ ٹرسٹ کے چیرمین کی دو سال کیلئے تقرری کی منظوری دیدی گئی۔ پاکستان ٹوبیکو
بورڈ کے نوٹیفکیشن کی منظوری بھی دی گئی ۔ پاکستان ادارہ شماریات میں 3 ممبران کی تقرری کی منظوری دی گئی ۔ اجلاس میں سی پیک اتھارٹی اور چینی وزارت ماحولیات کے درمیان مفاہمتی یاداشت کی ایکس پوسٹ فیکٹو منظوری دی گئی ۔ اجلاس میں رواں مالی سال کے گذشتہ چھ ماہ میں اضافی اخراجات کی سٹیٹمنٹ جاری کرنے کی منظوری دی گئی ۔ نیپرا کی سالانہ رپورٹ کا ایجنڈا موخر کرد یا گیا ۔
