اسلام آباد (این این آئی)پاکستان نے پاک افغان سرحد پر سے باڑ ہٹانے کا نوٹس لیتے ہوئے معاملہ طالبان حکومت کے ساتھ اٹھا دیا۔ پیر کو وزیر شاہ محمود قریشی نے پریس کانفرنس سے خطاب کرتے ہوئے پاک افغان سرحد پر باڑ ہٹانے کا نوٹس لے لیا۔ انہوںنے کہاکہ افغانستان کی سرحد پر باڑ کی تنصیب جاری رہے گی۔ شاہ محمود قریشی نے کہا کہ کچھ شرپسند عناصر اس مسئلے کو غیر ضروری طور پر اچھال رہے ہیں لیکن ہم اس پر غور کر رہے ہیں اور افغان حکومت کے ساتھ رابطے میں ہیں، امید ہے ہم اس مسئلے کو سفارتی طور پر حل کرنے میں کامیاب ہو جائیں گے۔