چندی گڑھ (این این آئی)بھارت نے رو س سے خریدا جانے والافضائی دفاعی میزائل سسٹم S-400 کا پہلا یونٹ پاکستان اور چین پر نظر رکھنے کیلئے پنجاب میں نصب کر دیا ہے۔کشمیر میڈیا سروس کے مطابق فضائی دفاعی میزائل سسٹم بھارتی ائر فورس کے پنجاب کے پانچ اڈوں میں سے ایک پر نصب کیا گیا

ہے جس کی سرحد پاکستان سے ملتی ہے۔یہ نظام چین کے پاس پہلے سے ہی دستیاب ہے جس نے اسے مشرقی لداخ میں لائن آف ایکچوئل کنٹرول پر بھارت کے ساتھ کشیدگی کے دوران نصب کیا تھا۔S-400 سسٹم 400 کلومیٹر سے زیادہ دور سے میزائلوں اور راکٹوں کو بے اثر کرنے کی صلاحیت رکھتا ہے۔