اسلام آباد (آن لائن )پی ڈی ایم نے حکومت کا پیش کردہ منی بجٹ مسترد کردیا۔ ترجمان پی ڈی ایم حافظ حمداللہ نے منی بجٹ پر ردعمل دیتے ہوئے کہا ہے کہ منی بجٹ آئی ایم ایف کے دباؤ اور ان کی شرائط پر پیش کیاگیا۔منی بجٹ ملک اور عوام کیلئے تباہی کا نسخہ اور مہنگائی کاخطرناک سیلاب ثابت ہوگا۔ حافظ حمداللہ نے کہا منی بجٹ ملکی معیشت کو آئی ایم ایف کا غلام بنانے کی مستند دستاویز ہے۔ثابت ہوگیا ہے کہ عمران خان پاکستانی عوام کا نہیں آئی ایم ایف کا نمائندہ ہے۔ عوام کو یقین ہوگیا ہے کہ عمران خان الیکٹیڈنہیں سلیکٹیڈوزیراعظم ہے۔الیکٹیڈ وزیراعظم اتنی بے دردی سے اپنے عوام کا استحصال نہیں کرسکتا۔ہر چیز پر ٹیکس لگ گیا اب صرف قبرستان میں قبر پر ٹیکس لگنا باقی ہے۔عمران نیازی آئی ایم ایف کے سامنے سرینڈرہوکر ایمانداری کیساتھ ،ڈٹ کر لیٹ چکا ہے۔