لاہور (این این آئی) بھارت نے پاکستان انٹرنیشنل ایئر لائن (پی آئی اے)کو اسلام آباد سے دہلی کیلئے خصوصی پرواز کی اجازت دینے سے انکار کر دیا۔پی آئی اے ترجمان کے مطابق پرواز پی کے 6271 دہلی سے پشاور کیلئے شیڈول تھی، خصوصی پرواز سے بھارتی ہندو یاتریوں کو پاکستان آنا تھا۔ذرائع کے مطابق بھارتی ہندو

یاتریوں کو کرک میں اپنے مقدس مذہبی مقام تری مندر کی یاترا کیلئے پاکستان آناتھا تاہم ایئر لائن کو بھارتی حکومت سے اجازت نہ ملنے کی وجہ سے پرواز منسوخ کردی گئی ہے۔ایئر لائن ذرائع کا کہنا ہے کہ بھارتی حکام نے پی آئی اے کو دیئے گئے جواب میں کہا ہے کہ صرف انڈین ایئرلائن ہی کو بھارتی یاتریوں کیلئے پروازیں چلانے کی اجازت ہے۔