کراچی(نیوز ڈیسک) پاکستان کے غیرملکی زرمبادلہ ذخائر 31جولائی کو بڑھ کر 18 ارب 82 کروڑ 21 لاکھ ڈالر کی سطح پر ریکارڈ کیے گئے۔
اسٹیٹ بینک آف پاکستان کی جانب سے جمعرات کو جاری کردہ رپورٹ کے مطابق 31 جولائی کو ختم ہفتے میں مرکزی بینک کے پاس زرمبادلہ ذخائر کی مالیت 38 کروڑ 10 لاکھ ڈالر کے اضافے سے 13ارب 76 کروڑ 68 لاکھ ڈالر تک پہنچ گئی اور دیگر بینکوں کے پاس موجود ذخائر کی مالیت 5 ارب 5 کروڑ 53 لاکھ ڈالر ریکارڈ کی گئی۔رپورٹ کے مطابق مرکزی بینک کے ذخائر میں اضافے کی وجہ 41 کروڑ 80 لاکھ ڈالر کے انفلوز بنے جس میں کولیشن سپورٹ فنڈ (سی ایس ایف) کی مد میں ملنے والے 33 کروڑ70لاکھ ڈالر بھی شامل ہیں۔