کراچی(این این آئی)صدر پاکستان مسلم لیگ (ن)میاں شہبازشریف سے صوبہ سندھ کے پارٹی عہدیداران نے ملاقات کی،ملاقات میں صوبہ سندھ کے تنظیمی امور سمیت دیگر اہم معاملات پر گفتگو ہوئی۔صدر شہباز شریف سے ملاقات میں مرکزی سیکریٹری جنرل احسن اقبال،صوبہ سندھ کے صدر سید شاہ محمد شاہ، صوبائی سیکریٹری جنرل مفتاح اسماعیل،
قادر بخش کلمتی، رانا مشہود احمد خان، ملک احمد خان،ہریش سکھیجا اور خالد شیخ بھی ملاقات میں شریک تھے۔اس موقع پر مسلم لیگ ن کے صدرمیاں شہباز شریف کو پارٹی رہنما قادر بخش کلمتی نے ملیر کا دورہ کرنے کی دعوت دی جبکہ شہباز شریف نے وفد کو جلد سندھ کاتین روزہ دورہ کرکے تنظیمی معاملات کو بہتر کرنے کی یقین دہانی کروائی، میاںشہباز شریف نے پارٹی رہنماؤں کو سندھ میں تنظیم کو مضبوط کرنے کا ٹاسک دے دیا۔بعدازاںمیاںشہباز شریف نے میڈیا سے بات چیت کرتے ہوئے کہا کہ پاکستان مسلم لیگ ن کو سندھ میں مضبوط بنانے کے لیے پارٹی رہنماؤں سے اہم گفتگو ہوئی ہے جلد سندھ کا تین روزہ دورہ کرکے کراچی ملیر سمیت سندھ بھر میں تنظیمی نیٹ ورک کو مضبوط کیا جائے گا، پاکستان مسلم لیگ ن نے پہلے بھی کراچی میں امن وامان کی بحالی سمیت شہر میں بہت کام کیے آئندہ بھی کراچی سمیت سندھ کی ترقی میں اپنا کردار ادا کریں گے۔
