لاہور( این این آئی)پنجاب میں ایک بارپھر بلدیاتی نظام میں تبدیلی کاامکان ہے، ٹائون کمیٹیز اورمیونسپل کمیٹیز کو بحال کرنے کی باضابطہ تجویز سامنے آگئی ۔ذرائع کے مطابق مسلم لیگ (ن)نے پنجاب کے بلدیاتی نظام میں تبدیلی کے لئے ابتدائی ترامیم پیش کردیں۔پنجاب اسمبلی کی قائمہ کمیٹی کے اجلاس میں (ن) لیگ نے ابتدائی ترامیم پیش کیں، (ن) لیگ نے بلدیاتی نظام میں ٹائون کمیٹیز اور میونسپل کمیٹیز کی بحالی کی تجویز دیدی۔مسلم لیگ (ن)آئندہ اجلاس میں مزید ترامیم بھی قائمہ کمیٹی میں پیش کرے گی، ٹائون کمیٹیز اورمیونسپل کمیٹیز کو حکومت پنجاب کے آرڈیننس میں ختم کردیاگیا تھا۔مسلم لیگ (ن)نے اجلاس میںٹائون کمیٹیز اور میونسپل کمیٹیز کو بلدیاتی نظام کاحصہ بنانے کی تجویز دی جبکہ تحریک انصاف کے کئی ارکان بھی ان کمیٹیز کی بحالی کے حامی ہیں۔