لاہور (این این آئی )شادی کے موقع پر تقریبا ہر دلہن کی خواہش ہوتی ہے کہ اس کے والدین، بہن، بھائی اس کے ساتھ ہوں، خوشی کے ان لمحات کو یاد گار بنانے کے لئے مختلف تفریحی سرگرمیوں کا بھی انعقاد کیا جاتا، پاکستان میں ہونے والی ایک شادی میں دلہن نے ایسی انٹری کی کہ شادی

کی تقریب میں موجود مہمان اپنے جذبات پر قابو نہ رکھ سکے۔شادی کو یادگار بنانے کے لئے مختلف تفریحی سرگرمیوں کی ویڈیوز بناکر سوشل میڈیا پر اپ لوڈ کی جاتی ہیں، ان ویڈیوز میں کبھی دلہن ناراض تو کبھی دلہے کے ارمانوں خاک ہوتے نظرآتے ہیں، مگر پاکستان میں گزشتہ دنوں ہونے والی ایک شادی کی ویڈیو نے دیکھنے والوں اور اس تقریب میں موجود مہمانوں کو آبدیدہ کردیا۔ماہا نامی فوٹوگرافر نے اپنے اکاؤنٹ سے ایک پاکستانی دلہن کی 57 سیکنڈ کی ویڈیو شیئر کی جس میں وہ اپنے والد کے ہمراہ ہال میں داخل ہورہی ہے لیکن اس کی ماں دنیا سے رخصت ہونے کے باعث اس کے ساتھ موجود نہیں ہے۔دلہن کو ماں کی تصویر کے ہمراہ ہال میں داخل ہوتا دیکھ کر ہر آنکھ نم ہوگئی جب کہ سوشل میڈیا پر شیئر ہوئی تو صارفین کی آنکھیں بھی آبدیدہ ہوگئیں۔ویڈیو شیئر کرتے ہوئے ماہا نے لکھا کہ ‘ان سب بیٹیوں کے نام جن کی ماں آج ان کے ساتھ نہیں ہیں، جیسے میری ماں’۔شیئر کی اس ویڈیو کے بیک گراؤنڈ میں ماں سے متعلق بھارتی گلوکار ارجیت سنگھ کا مشہور گانا بھی سنا جاسکتا ہے،ویڈیو کو اب تک 36 لاکھ سے زائد لوگ دیکھ چکے ہیں جب کہ سیکڑوں صارفین نے انتہائی جذباتی تبصرے کیے، ایک صارف نے کہا کہ ‘یہ ویڈیو دیکھ کر میری آنکھوں میں آنسو آگئے۔