اسلام آباد (این این آئی)نائب صدر پیپلز پارٹی سینیٹر شیری رحمان نے کہا ہے کہ وزیراعظم اپنی 3 سال کی تباہ کاریوں کا الزام بھٹو اور شریف خاندان پر لگا رہے ہیں۔ وزیراعظم عمران خان کے انٹرویو پر ردعمل کا اظہار کرتے ہوئے کہاکہ وزیراعظم اپنی 3 سال کی تباہ کاریوں کا الزام

بھٹو اور شریف خاندان پر لگا رہے ہیں، اپنی نااہلی کا الزام دوسروں پر ڈالنے کا بیانیہ اب بری طرح سے پٹ چکا ہے۔ انہوںنے کہاکہ آپ نے ملک کے مجموئی قرضوں میں 70 فیصد اضافہ کیا ہے، 3 سال میں 20.7 ٹرلین روپے کے قرضے لیکر آپ دوسروں پر الزام ڈال رہے۔ انہوںنے کہ اکہ ہفتہ وار رپورٹ میں مہنگائی کی مجموعی شرح 19.49 فیصد ہو گئی ہے، کیا 3 سال میں ریکارڈ قرضے، مہنگائی، بیروزگاری اور بحرانوں کے ذمہ دار بھی موجودہ حکومت نہیں کوئی اور ہے؟ ۔ انہوںنے کہاکہ حکومت کب اپنی ذمہ داریاں قبول کرے گی؟ ،شاید ان کو ابھی تک احساس نہیں ہوا کہ یہ حکومت میں ہیں، وزیراعظم کو لگتا ہے ان کے علاوہ سب سیاست میں کرپشن کرنے آئے ہیںلیکن ملک کی اکثریت سمجھتی ہے اس حکومت میں کرپشن میں اضافہ ہوا ہے، اس بار انتخابات میں لوگ آپ سے آپ کی کارکردگی کا پوچھے گے، آپ دوسروں پر الزام لاگا کر بری الذمہ نہیں ہو سکتے۔