لاہور( این این آئی)لاہور کے علاقہ نواں کوٹ میں پولیس اہلکار نے کرایہ دار کی چودہ سالہ لڑکی کو مبینہ زیادتی کا نشانہ بنا ڈالا،مقدمہ درج ہونے کے باوجود ملزم ملک کاشف

گرفتار نہ ہو سکا۔بتایا گیا ہے کہ پولیس اہلکار ملک کاشف نے کرایہ دار کی14سالہ بیٹی سے زیادتی کی،نواں کوٹ پولیس نے زیادتی کامقدمہ درج کرلیا،مقدمہ درج ہونے کے باوجود ملزم ملک کاشف گرفتار نہیں ہو سکا۔ذرائع کے مطابق میڈیکل میں14سالہ لڑکی سے زیادتی ثابت ہوگئی۔متاثرہ لڑکی کی والدہ کا کہناتھا کہ میں اور میرا شوہر 30 تاریخ کو اپنی امی کے پاس گئے تھے، اسی رات کو اہلکار ملک کاشف ساڑھے 11 بجے گھر آیا اور میری بچی کو زیادتی کا نشانہ بنایا، 30 تاریخ کو یہ وقوعہ ہوا مگر ابھی تک پولیس نے اس کو گرفتار نہیں کیا۔اس رات کو یہ کرایہ لینے کے لئے آیا تھا اس کو پتہ چلا کہ گھر میں والدین نہیں تو یہ چھت پر میری بچی کو لے گیا اور وہاں برہنہ کرکے زیادتی کا نشانہ بنایا۔

موضوعات:پولیس اہلکار