فیصل آباد (این این آئی)فیصل آباد میں خواتین پر تشدد اور بے لباس کرنے کے مقدمے کے ملزمان کی جانب سے مدعیہ خواتین کے خلاف چوری کے الزام میں پولیس کو درخواست دے دی گئی۔گرفتارملزم صدام کے بھائی نیخواتین کیخلاف چوری کی درخواست جمع کرائی۔پولیس کے مطابق درخواست میں کہا گیا کہ 4 خواتین نے الیکٹرک اسٹور سے تقریباً 60 ہزار کا سامان چوری کیا،

دکانداروں اور راہ گیروں نے 2 خواتین کو پکڑ کردکان میں بند کیا، خواتین نے خود ہی اپنے آپ کو بے لباس کیااور ان کے دو نامعلوم ساتھیوں نے ویڈیو بنا کر شیئر کیں۔درخواست میں استدعا کی گئی ہے کہ کیس میں حقائق کی بنیاد پر ان کا مؤقف درج کیا جائے۔فیصل آباد میں تشدد سے متاثرہ خواتین نے مؤقف اختیارکیا کہ انہوں نے چوری نہیں کی، وہ پانی پینے گئی تھیں جہاں ان پر تشدد ہوا۔