اتوار‬‮ ، 02 جون‬‮ 2024 

نام نہاد احتساب کرنے والوں کا بھی ایک دن احتساب دیکھیں گے،شاہد خاقان عباسی

datetime 10  دسمبر‬‮  2021

کراچی (این این آئی)سابق وزیراعظم شاہد خاقان عباسی نے کہا ہے کہ نام نہاد احتساب کرنے والوں کا بھی ایک دن احتساب دیکھیں گے۔ جب سچ اور حق چھپایا جائے گا تو ملک نہیں چل سکتا، جب تک شفاف انتخاب نہیں ہو گا، ملک آگے نہیں بڑھ سکتا۔ اپوزیشن کو دبانے کے لیے جھوٹے ریفرنس بنائے جاتے ہیں۔ ایک بھی ایسا ریفرنس نہیں، جس میں کوئی کرپشن کا الزام ہو۔

وزیرِ اعظم نے جس منصوبے کا افتتاح کیا ہے اس سے ان کا کوئی تعلق نہیں ہے ۔ عمران خان کوئی ایک منصوبہ دکھا دیں جو انہوں نے شروع کیا ہو، ملک تب ترقی کرتا ہے جب قومی نوعیت کے منصوبے لگتے ہیں۔وہ جمعہ کو احتساب عدالت میں پیشی کے بعد میڈیا سے بات چیت کررہے تھے ۔شاہد خاقان عباسی نے کہا کہ ہم نے الیکٹرانک نظام کرنا ہے، حکومت کو کچھ پتا نہیں ہے، حالت یہ ہے جھوٹے ریفرنس بنا رہے ہیں۔ نیب چیئرمین ایک ایک کر کے بتائے کون سے سیاستدانوں کے خلاف ریفرنس بنائے ہیں۔ سب عدالتوں کے چکر لگا رہے ہیں کیا ان کو جواب دینا نہیں ہوگا کہ آپ نے جعلی ریفرنس بنائے۔ نام نہاد احتساب کرنے والوں کا بھی ایک دن احتساب دیکھیں گے۔انہوںنے کہا کہ انصاف کا نظام یہاں نہیں ہوگا، تو وہاں تو ضرور ہوگا ان لوگوں کو جواب دینا ہوگا۔ ایک نیب چیئرمین کو رکھنے کے لیے دو قانون بنائے گئے، نیب چیئرمین ابھی تک گھر نہیں گیا۔ 6 نومبر سے نیب چیئرمین ریٹائر ہوگیا ہے، لیکن گھر نہیں گیا۔ اب دو ماہ بعد صدر لکھ رہا ہے، مشاورت کا عمل شروع ہو۔جو مشاورت بد نیتی پر مبنی ہو گی تو اس کا کیا ہو گا؟ جو نام وزیرِ اعظم بھیجیں گے سب میں جاوید اقبال ہوں گے، کیا پاکستان میں قابل اور غیر متنازع کوئی شخص نہیں ہے؟سابق وزیر اعظم نے کہا کہ اپوزیشن کو دبانے کی کوشش کی جارہی ہے۔ اپوزیشن کو دبانے کے لیے جھوٹے ریفرنس بنائے جاتے ہیں۔

ایک بھی ایسا ریفرنس نہیں، جس میں کوئی کرپشن کا الزام ہو۔ کیا قانون حق دیتا ہے یہ لوگوں کی زندگیوں سے کھیلیں۔ انصاف تو ایک نہ ایک دن ضرور ہوگا۔ کیا ایسا کوئی شخص نہیں کہ جس پر کوئی اعتماد کر سکے۔ چیئرمین صاحب 6 ارب جمع ہونے کی دعوی کر رہے ہیں، لیکن قومی خزانے میں کچھ نہیں۔انہوںنے کہا کہ یہ لوگ

ان کیمرا اجلاس سے ڈرتے ہیں، کیوں عوام سے یہ باتیں چھپاتے ہیں۔ انشا اللہ یہ چیزیں نہ چلنے والی ہیں۔ملک ترقی کرتا ہے، جب قومی نوعیت کے معاملات حل ہوتے ہیں۔ آج نہ ملک میں جمہوریت ہے اور نہ جمہوری قدر، جہاں عدالتیں انصاف سے قاصر ہیں۔ جہاں عوام کی بات کرنے والا کوئی نہیں۔سابق وزیراعظم نے کہا کہ گوادر کے لوگ

باہر نکلے ان کا بہت بڑا مسئلہ ہے، جہاں میڈیا پر دکھانے کے لیئے کوئی نہیں گیا۔ جہاں سچ عوام سے چھپایا جائیگا وہاں ملک نہیں چل سکے گا عوام فوری الیکشن چاہتی ہے، جب تک حقیقی معنی میں انتخابات نہیں ہوتے ملک ترقی نہیں کر سکے گا۔سابق وزیراعظم نے کہا کہ کراچی کے عوام کو مبارک باد کہ وزیرِ اعظم عمران خان گرین لائن کا

افتتاح کررہے ہیں، گرین لائن کا 3 ماہ کا کام ساڑھے 3 سال میں مکمل ہواوزیرِ اعظم سے پوچھنا چاہیے کہ جو کام 3 ماہ میں ہونا تھا اسے ساڑھے 3 سال کیوں لگ گئے۔ اس پروجیکٹ سے ان کا کوئی تعلق نہیں، عمران خان کوئی ایک منصوبہ دکھا دیں جو انہوں نے شروع کیا ہو، ملک تب ترقی کرتا ہے جب قومی نوعیت کے منصوبے لگتے

ہیں۔ گرین لائن کے منصوبے کے پیسے وفاقی حکومت نے دیئے تھے، بسیں صوبائی حکومت نے خریدنی تھیں، عمران خان کو کسی نے بتایا نہیں، بسوں کا ٹینڈر دیا، منسوخ ہوا، وفاقی حکومت کا کون سا نمائندہ بسوں پر کمیشن مانگ رہا تھا؟۔ یہ چیزیں نہ زیادہ چل سکتی ہیں نہ چلنے والی ہیں۔ وزیراعظم کو تختیاں لگانے اور افتتاح کرنے کا شوق ہے۔

موضوعات:



کالم



صرف ایک زبان سے


میرے پاس چند دن قبل جرمنی سے ایک صاحب تشریف لائے‘…

آل مجاہد کالونی

یہ آج سے چھ سال پرانی بات ہے‘ میرے ایک دوست کسی…

ٹینگ ٹانگ

مجھے چند دن قبل کسی دوست نے لاہور کے ایک پاگل…

ایک نئی طرز کا فراڈ

عرفان صاحب میرے پرانے دوست ہیں‘ یہ کراچی میں…

فرح گوگی بھی لے لیں

میں آپ کو ایک مثال دیتا ہوں‘ فرض کریں آپ ایک بڑے…

آئوٹ آف دی باکس

کان پور بھارتی ریاست اترپردیش کا بڑا نڈسٹریل…

ریاست کو کیا کرنا چاہیے؟

عثمانی بادشاہ سلطان سلیمان کے دور میں ایک بار…

ناکارہ اور مفلوج قوم

پروفیسر سٹیوارٹ (Ralph Randles Stewart) باٹنی میں دنیا…

Javed Chaudhry Today's Column
Javed Chaudhry Today's Column
زندگی کا کھویا ہوا سرا

Read Javed Chaudhry Today’s Column Zero Point ڈاکٹر ہرمن بورہیو…

عمران خان
عمران خان
ضد کے شکار عمران خان

’’ہمارا عمران خان جیت گیا‘ فوج کو اس کے مقابلے…

بھکاریوں کو کیسے بحال کیا جائے؟

’’آپ جاوید چودھری ہیں‘‘ اس نے بڑے جوش سے پوچھا‘…