اسلام آباد (آن لائن)پاکستان کرکٹ ٹیم کے ساجد خان ڈھاکا ٹیسٹ کی ایک اننگ میں 8 وکٹیں لینے والے پاکستان کے دوسرے آف اسپنر بن گئے ہیں تفصیلات کے مطابق بنگلا دیش میں کھیلی جارہی ٹیسٹ سیریز کے دوسرے میچ میں پاکستان کی جانب سے ساجد نے پہلی اننگ میں شاندار
بولنگ کرتے ہوئے 42 رنز کے عوض میزبان ٹیم کے 8 کھلاڑیوں کو پویلین کی راہ دکھائی۔ساجد خان اننگ میں 8 وکٹ لینے والے پاکستان کے دوسرے آف اسپنر ہیں ، ان سے قبل ثقلین مشتاق بھی یہ کارنامہ انجام دے چکے ہیں۔پاکستان کی جانب سے لیگ اسپنر عبدالقادر نے 1987 ئ میں انگلینڈ کے خلاف 56 رنز دیکر 9 وکٹیں اور یاسر شاہ نے نیوزی لینڈ کے خلاف 8 وکٹیں حاصل کی ہوئی ہیں۔دوسری جانب قومی فاسٹ بولرز میں سرفراز نواز نے 1979 ئ میں آسٹریلیا کے خلاف 86 رنز کے عوض 9 کھلاڑیوں کو آوٹ کیا تھا، جبکہ عمران خان نے 1982ئ میں سری لنکا اور بھارت کے خلاف اننگ میںآٹھ آٹھ وکٹیں حاصل کر رکھی ہیں اس کے علاوہ سکندر بخت بھی بھارت کے خلاف 1979ئ میں ایک اننگز میں 8 کھلاڑیوں کو آؤٹ کرچکے ہیں۔
