لاہور(این این آئی) تاریخی مسجد وزیر خان میں رقص کی ویڈیو بنانے کے کیس میں صبا قمر اور بلال سعید عدالت میں پیش ہوگئے۔جوڈیشل مجسٹریٹ غلام مصطفی یزدانی نے صبا قمر اور بلال سعید کے خلاف کیس کی سماعت کی۔ عدالت نے کیس کی مزید سماعت 7 فروری تک ملتوی کردی۔واضح رہے کہ دونوں کے خلاف تاریخی مسجد وزیر خان میں رقص کی ویڈیو بنانے پر مقدمہ درج کیا گیا تھا۔گزشتہ پیشی پر اداکارہ صبا قمر بیمار ہو گئی تھیں اور حاضری معافی کی درخواست دائر کی تھی۔ عدالت نے آئندہ سماعت پر ملزموں کو طلب کیا تھا۔

موضوعات:صبا قمر