اسلام آباد(نیوزڈیسک )جولائی کے دوران ملک میں مہنگائی کی شرح ایک اعشاریہ آٹھ فیصد پر آگئی جو بارہ سال کی کم ترین سطح ہے ۔ وفاقی ادارہ شماریات کے اعداد و شمار کے مطابق جولائی کے دوران مہنگائی میں اضافے کی شرح دو فیصد سے بھی کم پر آگئی جو جولائی دو ہزار تین کے بعد افراط زر کی کم ترین سطح ہے ۔ ماہرین کا کہنا ہے کہ عالمی منڈی میں خام تیل سمیت مختلف مصنوعات کی قیمتوں میں کمی مہنگائی کی شرح پر قابو پانے میں معاون ثابت ہوئی ۔ ڈالر کے مقابلے روپے کی قدر میں استحکام اور حکومت کا نئے نوٹوں کی چھپائی میں گریز سے بھی مہنگائی کم کرنے میں مدد ملی ہے ۔