سیالکوٹ (مانیٹرنگ ڈیسک /این این آئی)سیالکوٹ میں فیکٹری ملازمین کے مار سے سری لنکن منیجر کی موت کی تحقیقات میں تہلکہ خیز انکشاف سامنے آئے ہیں جن کے مطابق پریانتھا کو زد کوب کرنیوالے ہجوم کے پاس پیٹرول کی بوتلیں تھیں۔پولیس کے مطابق اتوار کی چھٹی کے باعث
ڈیوٹی مجسٹریٹ سے گرفتار ہوئے 13 مرکزی ملزمان کا ایک دن کا عارضی ریمانڈ لیا ورکل پیر کے روز ملزمان کو گوجرانوالہ انسداد دہشت گردی کی عدالت میں پیش کیا جائے گا۔واقعہ کی تفصیل بتاتے ہوئے پولیس نے انکشاف کیا کہ منیجر پریانتھا کمارا پر زدکوب کرنیوالے ہجوم کے پاس پیٹرول کی بوتلیں بھی تھیں، انہیں قتل کرنے کے بعد ملزمان نے ان کی گاڑی کو بھی نقصان پہنچایا۔پولیس کے مطابق اہلکار فیکٹری میں داخل ہوئے تو ہجوم فیکٹری مالک شہباز بھٹی پر بھی زدکوب کر رہا تھا، لاش باہر نکالنے کے بعد ملزمان نے فیکٹری کو آگ لگانے کی منصوبہ بندی بھی کر رکھی تھی اور ہجوم نے پولیس پارٹی کو بھی پیٹرول پھینک کر آگ لگانے کی دھمکی دی تھی۔
