واشنگٹن(نیوزڈیسک )امریکی ریاست الینوئس کے ایک جذباتی باپ نے اپنی بیٹی کو تنگ کرنے والے ساتھی طلبہ و طالبات پر اپنی گاڑی چڑھا دی۔پولیس نے باپ کو گرفتار کرلیا اور قانون اپنے ہاتھ میں لینے پر مقدمہ درج کیا ہے۔اس واقعے کی ویڈیو بھی منظر عام پر آئی ہے جسے دیکھ کے واقعے کا اندازہ لگایاجاسکتا ہے۔تفصیلات کے مطابق56سالہ رائے ولیمز جونیئر کی بیٹی نیلسن ایلیمنٹری سکول کی طالبہ ہے۔اسے کلاس کے ساتھی طالب علموں کی جانب سے مذاق کا نشانہ بنایا گیا جس پر رائے ولیمز غصے میں آگیا، پہلے اس نے چھڑی سے طلبہ کو دھمکایا اور اس کے بعد اپنی گاڑی میں سوار ہوکے گاڑی بچوں کی جانب دوڑا دی۔اس واقعے کی ویڈیو بنانے والے طالب علم نیتھن ویلز کا کہنا ہے کہ طالبہ کا والد غصے میں ا نتہائی پاگل ہورہا تھا، اور اس کے سامنے جو بھی آرہا تھا، وہ اس پر گاڑی چڑھا رہا تھا۔دلچسپ امر یہ ہے کہ اس واقعے کے بعد رائے ولیمز جائے موقع سے فرار نہیں ہوا بلکہ موقع پر ہی موجود رہا، جہاں سے اس کی گرفتار میں عمل میں آگئی۔امکان ہے کہ اب رائے ولیمز 2لاکھ ڈالر میں ضمانت پر رہا ہوسکے گا۔