اسلام آباد (مانیٹرنگ ڈیسک )اسلام آباد پولیس نے صبح ہونے والی ڈکیتی پر فوری کارروائی کرتے ہوئے لوٹی گئی رقم شام کو برآمد کرلی۔رپورٹ کے مطابق گذشتہ ہفتہ اور اتوار کی درمیانی رات سہالہ کے علاقے میں دو چور نجی کمپنی کے دفتر سے نکلتے ہوئے شہری سے ڈھائی کروڑ روپےلے اڑے تھے۔نجی ٹی وی جیو کے مطابق پولیس نے فوری کارروائی
کرتے ہوئے شام تک ڈکیتی کی رقم برآمد کرلی اور مدعی مقدمہ کے پاس جاکر نوٹوں سے بھری بوری کھول کر ساری رقم سامنے رکھ دی، اس دوران پولیس کا شکریہ ادا کرتے ہوئے شہری کی آواز بھرا گئی۔ ڈی آئی جی آپریشنر افضال احمد کوثر نے متعلقہ پولیس اہلکاروں کو شاباش دیتے ہوئے کہا ہےکہ شہریوں کو قیمتی اثاثوں سے محروم کرنے والے قانون کی گرفت سے نہیں بچ سکتے ۔
