کراچی(نیوزڈیسک)داد محمد خان کے 21 بچے ہیں ان کے ایک بیٹے نادر خان کے بھی 21 بچے ہیں۔ یہ چھوٹی سی بستی نادر خان کے بہن بھائیوں اور بچوں سے ہی آباد ہے۔ 49 سالہ نادر خان کی 11 لڑکیاں اور 10 لڑکے ہیں۔ تین مرتبہ بیک وقت تین تین بچوں کی پیدائش بھی ہوچکی ہے۔ بڑے بیٹے ثابت اللہ کی عمر 33برس ہے جو خود بھی 4 بچوں کا باپ ہے۔ نادر خان کے والد داد محمد خا ن کی بھی 21 اولادیں ہیں،جن کی بدولت اب داد محمد 90سے زائد پوتے پوتیاں، نواسے نواسیوں کا سرپرست ہے۔ بچے گھر سے قطار بنا کر نکلتے ہیں ،تو گنتی ہوتی ہے۔ کرکٹ کھیلیں تو محلے کے بچوں کی ضرورت نہیں ہوتی۔ کوئی چیز والا آجائے تو اسے کسی اور گلی جانے کی ضرورت نہیں رہتی۔ کھیل ختم اور پیسہ ہضم ہو تو قطار کی صورت گھر کی راہ لیتے ہیں ،تو ایک بار پھر گنتی ہوتی ہے کہ کہیں کوئی باہر رہ تو نہیں گیا
(بشکریہ ۔جنگ)