ابوظہبی(آن لائن ) ٹی ٹوئنٹی ورلڈ کپ کے سیمی فائنل میں پاکستان اور آسٹریلیا کے مدمقابل آنے پر پاکستان ٹیم کے بیٹنگ کنسلٹنٹ سابق آسٹریلوی ٹیسٹ اوپنر میتھیو ہیڈن اورآ سٹریلین ٹیم کے ہیڈ کوچ جسٹن لینگر بھی حریف بن کر آمنے سامنے ہونگے

آسٹریلین کوچ جسٹن لینگر اور پاکستانی کوچ میتھیو ہیڈن ناصرف اچھے دوست ہیں بلکہ ٹیسٹ کرکٹ کی بہترین اوپنر جوڑی بھی رہ چکے ہیں، اب دونوں کی ٹیمیں سیمی فائنل میں مدمقابل ہوں گی۔میتھیو سے اپنی دوستی کے حوالے سے گفتگو کرتے ہوئے ا?سٹریلین ٹیم کے ہیڈ کوچ جسٹن لینگر کا سوشل میڈیا پر ایک ویڈیو پیغام بھی وائرل ہو رہا ہے جس میں ان کا کہنا ہے کہ کرکٹ میں میتھیو سے گہرا تعلق قائم ہے، ہم پورے ٹورنامنٹ میں میسجز کے ذریعیرابطے میں رہے ہیں، کئی عرصے سے میتھیو کو نہیں دیکھا لیکن اس کے باوجود اب 3 گھنٹے کے لیے اس دوستی کو پس پشت ڈال کر ساری توجہ میچ پر ہو گی۔ ویڈیو میں میتھیو ہیڈن اور جسٹن لینگر کے ٹیسٹ کیریئر سے متعلق چند یادگار لمحات کو بھی دکھایا گیا ہے۔خیال رہے کہ جسٹن لینگر 2018 سے آسٹریلین کرکٹ ٹیم کے ہیڈ کوچ کے فرائض سر انجام دے رہے ہیں۔