اسلام آباد (این این آئی) آزاد کشمیر اور گلگت بلتستان سمیت ملک کے بالائی علاقوں کے ساتھ میدانی علاقوں میں بھی سردی کی شدت میں اضافہ ہونے لگے ، شہریوں نے گرم کپڑے نکال لئے ، گیس کی لوڈشیڈنگ کے باعث لکڑی کی قیمت میں بھی اضافہ ہوگیا ۔محکمہ موسمیات کے مطابق اتوار کو ملک بھر میں

موسم سرد اور خشک رہا تاہم آزاد کشمیر اور گلگت بلتستان سمیت پہاڑی علاقوں میں سردی میں اضافے نے گرم مشروبات اور جلانے کی لکڑی کی طلب میں اضافہ کر دیا ہے، کئی علاقو ں میں گیس کی لوشیڈنگ کے باعث لکڑ ی کی طلب بڑھنے کے ساتھ قیمتوں میں اضافہ ہوگیا ۔خیبر پختون خوا، گلگت بلتستان اور آزاد کشمیر کے مختلف علاقوں میں بارش اور برف باری کا سلسلہ تھم گیا ہے تاہم پہاڑوں پر جمی برف اور سرد ہواؤں نے سردی کو بڑھا دیا ہے۔محکمہ موسمیات کا کہنا ہے کہ کشمیر، گلگت بلتستان اور خیبر پختون خوا میں مطلع ابر آلود رہنے کے ساتھ سردی کی شدت میں اضافے کا امکان ہے۔گزشتہ 24 گھنٹوں کے دوران سب سے کم درجہ حرارت لیہہ میں منفی 6 ڈگری سینٹی گریڈ ریکارڈ کیا گیا،کالام میں منفی 4، بابو سر میں منفی 3 اور استور میں کم سے کم درجہ حرارت منفی 1 ڈگری سینٹی گریڈ ریکارڈ کیا گیا۔محکمہ موسمیات کا کہنا ہے کہ ملک کے بیشتر علاقوں میں موسم خشک اور رات کے دوران سرد رہے گا۔