ابوظبی (اے ایف پی) اش سودھی نے اربوں بھارتی شہریوں کا دل توڑنے پر توجہ مرکوز کرلی ہے۔ نمیبیا کے خلاف زخمی ہونے والے نیوزی لینڈ کے لیگ اسپنر افغانستان کے خلاف میچ میں شرکت کیلئے پراعتماد ہیں۔تفصیلات کے مطابق، بھارتی پنجاب میں پیدا ہونے والے نیوزی لینڈ کے لیگ اسپنر اش سودھی نے اربوں بھارتی شہریوں کا دل توڑنے پر توجہ مرکوز کرلی ہے۔
آج ٹی ٹوئنٹی ورلڈ کپ میں نیوزی لینڈ کا مقابلہ افغانستان سے ہوگا، جس میں جیت ناصرف کیویز کو سیمی فائنل تک پہنچادے گی بلکہ بھارت کا سفر بھی تمام کردے گی۔اس حوالے سے اش سودھی کا کہنا ہے کہ میں نے کبھی افغانستان کے خلاف میچ نہیں کھیلا ہے البتہ کچھ افغان کھلاڑیوں کے ساتھ فرنچائز مقابلوں میں ضرور شرکت کی ہے اور ان کے خطرے سے بخوبی آگاہ ہوں۔
