لاہور( این این آئی)فیڈرل بورڈ آف ریو نیو نے مہنگی گاڑیاں اور پلاٹس خرید کر گوشواروں میں ظاہر نہ کرنے والوں کے گرد گھیرا تنگ کر دیا ، ایف بی آر کے

ریجنل ٹیکس آفس نے مہنگی گاڑیاں اور پلاٹس اثاثہ جات میں ظاہر نہ کرنے والوں کے خلاف کارروائی شروع کردی۔ تفصیلات کے مطابق مہنگی گاڑیاں اور پلاٹس خرید کر گوشواروں میں ظاہر نہ کرنے والوں کے خلاف ایف بی آر حرکت میں آ گیا ہے ۔آر ٹی او نے ڈی ایچ اے کے300 افراد کو گاڑیاں اور پلاٹس ظاہر نہ کرنے پر نوٹس بھجوا کر وضاحت مانگی تھی، سال 2016 سے 2018 تک گاڑیاں اور پلاٹس ظاہر نہ کرنے والے ڈی ایچ اے کے رہائشیوں کو نوٹس بھیجے گئے ۔ ایف بی آر نے ڈی ایچ اے کے 300 رہائشیوں کو نوٹسز موصول کروائے ۔ ذرائع کے مطابق ایف بی آر نے جواب جمع نہ کرانے والوں کے اکائونٹس منجمد کرنے کیلئے کارروائی شروع کردی ہے۔