لندن (نیوزڈیسک)اگر آپ دنیا کے شور شرابے سے تنگ ہیں اور کسی پرسکون جگہ رہنا چاہتے ہیں تو یہ نوکری آپ کیلئے بہترین ہے لیکن شرط یہ ہے کہ آپ ذرا مضبوط دل کے مالک ہوں اور بھوتوں وغیرہ سے گھبراتے نہ ہوں۔ تفصیلات کے مطابق آئرش سی میں واقع یارڈ سی جزیرے کو ایسے لوگ درکار ہیں جو سردیوں کے دوران اس کی حفاظت کرسکیں۔ یہ جگہ دنیا سے کافی دور واقع ہے۔ اس کے بارے میں مشہور ہے کہ یہ 20 ہزار سے زائد بھوتوں کا گھر ہے۔ تاہم ایسا بھی نہیں کہ یہاں کوئی آتا جاتا نہ ہو۔ دو سال بعد نوکری چھوڑنے والے منیجر روڈڑی ایونز نے بتایا کہ گرمیوں کے چھ ماہ تو جزیرے پر آنے والے لوگوں اور قائم گھروں کا خیال رکھنا ہوتا ہے لیکن سردیوں کے چھ ماہ صرف مینٹی نینس کا کام ہوتا ہے۔ تاہم خوشی کی بات یہ ہے کہ اس جزیرے پر انٹرنیٹ موجود ہے اور فارغ وقت فیس بک پر گزارا جاسکتا ہے۔ اس نوکری کا اشتہار جزیرے کی ویب سائٹ www.bardsey.org پر دیا گیا ہے۔