ابو ظہبی (این این آئی)متحدہ عرب امارات میں جاری ورلڈکپ کے تیسرے میچ میں آئرش بولر نے 4 گیندوں پر 4 وکٹیں حاصل کر لیں۔ابو ظبی کے شیخ زید اسٹیڈیم میں کھیلے جا رہے میچ میں نیدر لینڈ نے ٹاس جیت کر آئرلینڈ کے خلاف پہلے بیٹنگ کا فیصلہ کیا جو زیادہ سودمند ثابت نہ ہوا۔آئر لینڈ کے کرٹس چیمبر نے میچ کے 10 ویں اوور میں ناصرف ٹورنامنٹ کی پہلی ہیٹ ٹرک کی بلکہ 4 گیندوں پر 4 کھلاڑیوں کو آؤٹ کیا۔کرٹس چیمپر نے 10 ویں اوور کی دوسری گیند پر پہلے ایکرمین کو آؤٹ کیا پھر اگلی دو گیندوں پر ٹین ڈوس ہیٹ اور اسکاٹ ایڈورڈز کو آؤٹ کر کے اپنی ہیٹ ٹرک مکمل کی۔ واضح رہے کہ تیسرے میچ میں آئر لینڈ نے نیدر لینڈ کو سات وکٹوں سے شکست دے دی ہے۔ 107 رنز کا ہدف آئر لینڈ کی ٹیم نے صرف تین وکٹوں کے نقصان پر حاصل کر لیا۔