نیویارک(نیوز ڈیسک)یوں تو مکھن صرف کھانے کی اشیاءمیں استعمال کیا جاتاہے تاہم امریکہ میں ماہر مجسمہ سازوں نے مکھن کی مدد سے انوکھاکارنامہ انجام دے کر سب کو حیران کر ڈالا۔ریاست اوہائیو میں ماہر مجسمہ سازوں نے ہزاروں پونڈ مکھن کی مدد سے گائے، بچھڑے، شہر کے میئر، ہیلمٹ ،گائے اور اوہائیو کی طرف سے جیتی گئی ٹرافی کے مجسموں کی نمائش کی۔ جنہیں کئی دِنوں کی محنت کے بعد خالص مکھن سے تیار کیا گیاہے۔مجسموں کی تیاری میں دو ہزار پونڈ مکھن اور پانچ سو گھنٹے صرف ہوئے جبکہ چارماہر فنکاروں نے اپنے آرٹ کا مظاہرہ کیا۔ حقیقت سے قریب تر دِکھائی دینے والے ان بٹرمجسموں کو صحیح حالت میں رکھنے کیلئے شیشے کے کیس میں ٹھنڈی جگہ رکھا گیا ہے جنہیں دیکھنے کیلئے بڑی تعداد میں لوگ یہاں کا ر±خ کر رہے ، یہ نمائش اگلے بارہ روز تک جاری رہے گی۔