راولپنڈی(آن لائن)دہشتگردوں کا بلوچستان کے علاقے مچھ میں سیکیورٹی فورسز کی پوسٹ پرحملہ، ایف سی بلوچستان کے جوانوں کی فوری جوابی کارروائی، فائرنگ کے تبادلے میں سپاہی عرفان شہید،2 جوان زخمی ہو گئے۔پاک فوج کے شعبہ تعلقات عامہ (آئی ایس پی آر) کے مطابق دہشت گردوں نے بلوچستان کے علاقے مچھ میں سیکیورٹی فورسز کی پوسٹ پر حملہ کیا، ایف سی بلوچستان کے جوانوں نے فوری جوابی کارروائی کی، فائرنگ کے تبادلے میں سپاہی عرفان شہید ہوگئے جبکہ 2 جوان زخمی بھی ہوئے۔ڈی جی آئی ایس پی آر کا کہنا ہے کہ پاک فوج ایسے بزدلانہ حملوں اور حملہ آوروں کو شکست دینے کیلئے پر عزم ہیں، دہشت گردوں کو ملک میں بھاری قربانوں سے حاصل امن سبوتاژ کرنے کی اجازت ہرگز نہیں دیں گے۔

موضوعات:آئی ایس پی آر