کراچی(این این آئی)بھارتی جیل میں ایک اور پاکستانی ماہی گیر کو تشدد کرکے ہلاک کر دیا گیا،کراچی کے رہائشی ماہی گیر کی لاش کل واہگہ بارڈر لاہور پہنچائی جائیگی۔بعدازاں بھارتی قید میں ہلاک ہونے والے ماہی گیر کی میت لاہور سے کراچی منتقل کی جائے گی۔اطلاع ملتے ہی متوفی کے گھر پر صف ماتم بچھ گئی۔ایڈمنسٹریٹر فشر مینز کو آپریٹو سوسائٹی زاہد ابراہیم بھٹی کی
پاکستانی ماہی گیروں کے ساتھ بھارتی جیلوں میں انسانیت سوز سلوک کی مذمت تفصیلات کے مطابق بھارتی جیل میں دوران قید پاکستانی ماہی گیر امیر حمزہ ولد جعفر احمد کو انسانیت سوز تشدد کرکے ہلاک کر دیا گیا۔جس کی میت کل منگل کے روز واہگہ بارڈر پر پاکستانی حکام کے حوالے کی جائے گی۔بھارتی جیل میں انسانیت سوز تشدد سے جاں بحق ہونے والے پاکستانی ماہی گیر کی لاش بعدازاں لاہور میں ایدھی فاؤنڈیشن کے سپرد کی جائے گی۔جہاں سے ایدھی فاؤنڈیشن کی ایمبولینس متوفی کی میت لیکر اگلے دن کراچی کے لیے روانہ ہو گی۔بھارتی قید میں جاں بحق ماہی گیر امیر حمزہ علی اکبر شاہ گوٹھ کورنگی کراچی کا رہائشی تھا۔جو کہ30نومبر2017کو کھلے سمندر میں النجم نامی لانچ سے مچھلیوں کے دوران بھارتی فورسیز نے گرفتار کر لیاتھا۔دوران بھارتی قید جاں بحق ہونے والا ماہی گیر دو بچوں کا باپ بتایا جاتا ہے۔اطلاع ملتے ہی متوفی کے گھر پر صف ماتم بچھ گئی۔ایڈمنسٹریٹر فشر مینز کو آپریٹو سوسائٹی زاہد ابراہیم بھٹی نے پاکستانی ماہی گیروں کے ساتھ بھارتی جیلوں میں انسانیت سوز سلوک کی پرزورمذمت کرتے ہوئے کہا ہے۔بھارتی حکومت معصوم پاکستانی ماہی گیروں کے ساتھ دہشت گردوں والا سلوک بند کرے۔ہمارے ماہی گیر اپنے بچوں کا پیٹ پالنے کے لیے سمندر کا سینہ چیر کر رزق کمانے کے لیے جاتے ہیں۔مگر کھلے سمندر میں دندناتی بھارتی فورسیز ہمارے ماہی گیروں کو
غیر قانونی طور پر گرفتار کر کے ان کے ساتھ دہشت گردوں والا سلوک کر رہی ہے۔اقوام متحدہ اور بین الاقوامی انسانی حقوق کی تنظیمیں بھارتی مظالم کا نوٹس لیں۔اور پاکستانی ماہی گیروں کے ساتھ مظالم ڈھانے والے بھارت کا مکروہ چہرہ دنیا کو دکھائیں۔ایڈمنسٹریٹر زاہد ابراہیم بھٹی کا کہنا تھا کہ غم کی اس گھڑی میں فشر مینز کو آپریٹو سوسائٹی اپنے متوفی ماہی گیر کی فیملی کے دکھ میں برابر کی شریک ہے۔اور انہیں ہر گز تنہا نہیں چھوڑیں گے۔
