اسلام آباد (مانیٹرنگ ڈیسک /این این آئی)کابل انخلا کے دوران افغانستان سے اسلام آباد آنے والے تمام امریکی فوجی پاکستان سے چلے گئے۔افغانستان میں طالبان کے کنٹرول کے بعد پاکستان منتقل کیے گئے امریکی فوجیوں اور انخلا کے دیگر مسافروں کو لے کر امریکی ایئرفورس کی خصوصی پرواز اسلام آباد سے متحدہ عرب امارات (یو اے ای)روانہ ہوگئی ہے

۔میڈیارپورٹس کے مطابق تین دن کے دوران امریکی ایئر فورس کا یہ تیسرا طیارہ پاکستان سے غیرملکی مسافروں کو لے کر گیا ہے۔ذرائع کا کہنا تھا کہ اسلام آباد سے امریکی فوجی اور انخلا کے دیگر مسافر خصوصی طیارے میں سوار ہوئے ہیں۔اسلام آباد سے امریکی فوجیوں اور انخلا کے مسافروں کو لے کر جانے والی یہ امریکی ایئرفورس کی تیسری پرواز ہے۔