لاہور(مانیٹرنگ، این این آئی)پاکستان تحریک انصاف کے رہنما جہانگیر ترین گروپ میں شامل مزید13 ارکان نے وزیراعظم عمران خان سے معافی تلافی کیلئے کوششیں شروع کردی ہیں،

مذکورہ اراکین وزیراعظم کے قریبی پارٹی رہنماؤں سے رابطے کر رہے ہیں۔ نجی ٹی وی کے مطابق 13میں سے9ارکان کا تعلق جنوبی پنجاب سے ہے۔پی ٹی آئی کے ایک رہنما نے کہا ہے کہ وزیراعظم سے ترین گروپ کے ارکان کیلئے معافی مشکل لگ رہی ہے اور ان ارکان کو آئندہ انتخابات میں پی ٹی آئی کا ٹکٹ بھی نہیں ملے گا۔پارٹی رہنما نے مزید بتایا کہ ترین گروپ کے رہنما نذیرچوہان نے لاہور میں گورنرہاؤس میں شہزاد اکبر سے باضابطہ معافی مانگی۔ میڈیا ذرائع کے مطابق نذیر چوہان نے شہزاد اکبر سے بے بنیاد الزامات پر معذرت کی ہے اور انہوں نے گورنر ہاؤس میں شہزاد اکبر کے پاؤں پکڑ کر معافی مانگ لی۔

موضوعات:نذیر چوہان