لاہور(این این آئی)ٹک ٹاکر عائشہ اکرم کے خلاف کارروائی کے لئے لاہور ہائیکورٹ میں درخواست دائر کردی گئی ۔شہری نے رانا سکند ایڈووکیٹ کی وساطت سے دائر درخواست میں موقف اپنایا ہے کہ سوشل میڈیا کی ویڈیوز کے مطابق عائشہ اکرم نے اپنے فالورز کو مینار پاکستان آنے کی دعوت دی،مینار پاکستان کے گارڈ کے مطابق عائشہ اکرم کے پاس دو بار بچ نکلنے کا موقع تھا لیکن وہ وہاں ہی ٹھہری رہی،عائشہ اکرم نے فینز کو دعوت دینے کے بعد مینار پاکستان کی سکیورٹی کو اس متعلق آگاہ نہیں کیا ،اس واقعہ کے بعد دنیا بھر میں پاکستان کو شرمندگی کا سامنا کرنا پڑا۔ استدعا ہے کہ ہجوم کو اکسانے پر عائشہ اکرم کے خلاف فوجداری کارروائی کی جائے یے،ٹک ٹاک سمیت دیگر سوشل میڈیا ایپس سے غیر اخلاقی مواد ہٹا کر ریگولیٹ کیا جائے ،ٹک ٹاکرز کے پبلک مقامات سے فینز سے ملنے کے لیے بھی ایس او پیز بنائیں جائیں ۔