کابل(این این آئی)کابل ائیرپورٹ سے اڑنے والے اطالوی فوجی طیارے کی جانب فائرنگ کا واقعہ پیش آیا ہے۔میڈیارپورٹس کے مطابق اطالوی دفاعی ذرائع کا کہناتھا کہ واقعے میں اطالوی فوجی طیارے کو نقصان نہیں پہنچا۔طیارے میں سوار اطالوی صحافی کا کہنا تھا کہ واقعہ طیارے کے ٹیک آف کے بعد پیش آیا طیارے میں تقریبا سو افغان شہری سوار تھے۔اطالوی دفاعی ذرائع کے حوالے سے خبر ایجنسی نے رپورٹ کیا کہ کابل ائیرپورٹ سے اڑنے والے اطالوی فوجی طیارے کی جانب فائرنگ کی گئی اورفائرنگ میں طیارے کو نقصان نہیں پہنچا۔اطالوی حکومتی ذرائع نے انٹیلی جنس رپورٹس کا حوالہ دیتے ہوئے کہا کہ کابل ائیرپورٹ کے قریب افغان فورسز نے اطالوی فوج کے طیارے پر فائرنگ نہیں کی بلکہ یہ فضائی فائرنگ ہجوم کو منتشر کرنے کیلئے کی گئی۔