لاہور( این این آئی) مسلم لیگ (ن) کے صدرشہباز شریف نے پارٹی رہنما رانا مشہود کو حکومت کیخلاف وائٹ پیپر جاری کرنے کاگرین سگنل دیدیا۔شہباز شریف سے
سابق وزیر تعلیم رانا مشہود کی ملاقات ہوئی جس میں پارٹی صدر نے ریسرچ ونگ کی کارکردگی کو سراہتے ہوئے رانامشہود کو وائٹ پیپر کے حوالے سے خصوصی ہدایات دیں جس کے بعد(ن) لیگ ریسرچ ونگ نے وائٹ پیپر جاری کرنے کی تیاریاں شروع کر دی۔(ن) لیگ کے مطابق وائٹ پیپر میں حکومت کی ناکام معاشی پالیسیوں اور مہنگائی کو تنقید کا نشانہ بنایا جائے گا۔ صحت،تعلیم، زراعت، خارجہ پالیسی اور کشمیر کے حوالے سے حقائق عوام کے سامنے لائے جائیں گے ۔ (ن) لیگ وائٹ پیپر میں امن وامان کی صورتحال سمیت محکمہ پولیس میں اصلاحات نہ ہونے کا معاملہ اٹھائے گی ۔ رانا مشہود احمد عنقریب حکومت کے خلاف وائٹ پیپر جاری کریں گے۔
