لاہور( این این آئی)بچوں کے پسندیدہ ڈرامہ عینک والا جن کے مشہور کردارہامون جادوگر (حسیب پاشا) نے کہا ہے کہ آزاد کی نعمت کے بارے میں کشمیر اورفلسطین کے باشندوںسے پوچھیں جو روز جیتے اور روز مرتے ہیں،ہمیں خدا کی ذات نے آزادی جیسی نعمت سے نوازا ہے اورہمیں اپنی آزادی کا جشن بھرپور طریقے سے منانا چاہیے ۔ اپنے ایک ویڈیو بیان میں حسیب پاشا نے کہاکہ گھروں، گلی محلوں اور بازاروں کو پاکستانی پرچم کی طرز پر جھنڈیوں سے ضرورسجایا جائے لیکن ہمارا پرچم ہماری آن اور شان ہے اس لئے ا ن جھنڈیوں کو زمین پر نہ گرنے دیا جائے ، جہاں بھی جھنڈیاں گری ہوئی نظر آئیںسب سے پہلے انہیںزمین سے اٹھائیں اورچوم کرسینے سے لگا کرمحفوظ کریں۔ حسیب پاشانے کہا کہ ہمیں دنیا کو بتانا ہے کہ ہمیں اپنے پرچم سے کتنا پیار ہے اورہم اس کا کتنا احترام کرتے ہیں۔

موضوعات:ہامون جادوگر