اسلام آباد (این این آئی)وزیراعظم عمران خان نے سوشل میڈیا پر دوڑ کی ایک ویڈیو شیئر کرتے ہوئے نوجوانوں کو اسے دیکھنے کا مشورہ دیا ہے۔وزیراعظم نے اپنے ٹوئٹر اکاؤنٹ پر ایک ویڈیو شیئر کرتے ہوئے اس کے ساتھ کیپشن بھی درج کیا ہے۔عمران خان نے ویڈیو کے کیپشن میں لکھا کہ میں چاہتا ہوں ہمارے پاکستانی نوجوان یہ دوڑ دیکھیں اور اس میں سے وہ اہم ترین سبق حاصل کریں جو کھیل نے مجھے سکھایا ہے۔وزیراعظم نے لکھا کہ آپ ہارتے تبھی ہیں جب آپ کوشش ترک کر دیتے ہیں۔ آپ صرف تب ہارتے ہیں جب آپ شکست تسلیم کر لیتے ہیں، ٹوکیو اولمپکس میں 1500 میٹر کی دوڑ میں گرنے کے باوجود ریس جیتنے والی ڈچ خاتون اتھلیٹ کی ویڈیو شیئر کر دی۔