احمدیار(این این آئی ) گلی میں کھیلتے محنت کش خاتون کے 7سالہ بیٹے کو گدھے نے دبوچ کر مار ڈالا ورثاء کا ریلوے پھاٹک بندکرکے احتجاجی مظاہرہ تفصیلات کے مطابق محلہ ایم بلاک میں محنت کش ثریا بی بی کا بیٹا شاہزیب گلی میںکھیل رہاتھا کہ گدھے نے

گردن سے دبوچ لیاجسے فوری طور پرتشویشناک حالت میں طبی امدادکیلئے تحصیل ہیڈکوارٹر ہسپتال پہنچایا گیاجہاں پروہ زندگی کی بازی ہارگیا ورثاء نے شرقی ریلوے پھاٹک بندکرکے احتجاجی مظاہرہ کیا پولیس نے بچے کی لاش کو قبضہ میں لے کر پوسٹمارٹم کیلئے ہسپتال منتقل کردیا گیا پولیس مصروف تفتیش ہے متوفی کی والد ہ ثریا بی بی نے بتایا کہ ہماری گلی میں گدھے کو باندھ رکھا جس نے بچے کو گردن سے کاٹ کر موت کی نیند سلادیا ہے مالک گدھے کے خلاف قانونی کاروائی کرکے انصاف فراہم کیا جائے۔ دوسری جانب حکومتی احکامات کے باوجود پرائیویٹ تعلیمی اداروں نے نوٹ کی چمک سے زیور تعلیم سے آراستہ بچوں کی زندگیوں کو دائو پرلگادیا گرمی کی بڑھتی ہوئی شدت میں تمام سرکاری سکولوں میں بچوں کو ایک ماہ کی تعطیل دے دی گئیں ہیں جبکہ تحصیل بھر میں قبولہ ، احمدیار ، محمدنگر، گلشن اقبال کالونی ، محمدی ٹائون سمیت تمام شہر بھر میں پرائیویٹ تعلیمی ادارے کھلے ہیں گرمی کی شدت اور بجلی کی لوڈشیڈنگ کے باوجود پرائیویٹ سکولوں میں بنیادی سہولیات بھی نہ ہونے کے برابر ہیں سماجی حلقوں اور شہریوں نے اعلیٰ حکام سے فی الفور نوٹس لے کر پرائیویٹ تعلیمی اداروں کو سمر کیمپ کے نام پر نوٹ کمانے کی بجائے فی الفور بچوں کو تعطیلات دی جائیں اور حکومتی احکامات کی خلاف ورزی کرنے والے اداروں کے مالکان کے خلاف قانونی کاروائی اوربھاری جرمانے عائد کیے جائیں ۔