اسلام آباد(مانیٹرنگ ڈیسک)پیپلز پارٹی کی سینئر رہنما شیری رحمن نے نجی ٹی وی پروگرام میں پنجاب حکومت کو تنقید کا نشانہ بناتے ہوئے کہا ہے کہ پنجاب حکومت چونسا آم کی طرح لٹک رہی ہے گرنے کیلئے ، انہوں نے کہا کہ پیپلز

پارٹی کا نظریہ بہت واضح ہے،ہماری تنقید برائے تنقید نہیں ہوتی ،ہمیشہ مظلوم کی آواز بننے کی کوشش کی ہے ،پیپلز پارٹی ہمیشہ عوام کیساتھ کھڑی ہے ،پیپلز پارٹی نے مقصد کیلئے قربانیاں دی ہیں ،ہماری قیادت نے جمہوریت کیلئے قربانیاں دی ہیں ،ہم حکومت کیخلاف ہراول دستے میں ہیں،حکومت پر سب سے زیادہ تنقید پیپلز پارٹی کرتی ہے ،85میں الیکشن کے بائیکاٹ سے سبق سیکھا ہے ،سیاست میں میدان کبھی خالی نہیں چھوڑا جاتا،ہر فورم کو بھرپورطریقے سے استعمال کرنا چاہئے،بحریہ ٹائون واقعے سے متعلق ایکشن لیا جائیگا، واقعے کی مکمل تحقیقات ہونگی،کسی کو بھی ہتھیار نہیں اٹھانے چاہئیں ،سندھ حکومت پر تنقید کا جواب دیتے ہوئے انہوں نے کہا کہ ہدف سے زیادہ ٹیکس ریونیو سندھ اکٹھا کر رہا ہے، انہوں نے پروگرام میں دعویٰ کیا کہ کمیٹیوں کی چیئرمین شپ کیلئے بندر بانٹ نہیں ہوئی ۔

موضوعات:شیری رحمن