اسلام آباد(مانیٹرنگ ڈیسک)پی ٹی آئی رہنما و صوبائی وزیر برائے سوشل ویلفیئر اینڈ بیت المال سید یاور عباس بخاری نے کہا ہے کہ ان کی لیک ہونے والی آڈیو تین سال پرانی ہے۔نجی ٹی وی پروگرام میں گفتگو کرتے ہوئے یاور بخاری نے کہا کہ انہوں نے تین سال پہلے اپنے ایک دوست
کی اپنے بھائی خاور بخاری سے بات چیت کروائی تھی۔ انہیں تو یاد بھی نہیں تھا کہ یہ بات ہوئی ہے لیکن تین سال بعد یہ کال کیسے لیک ہوگئی؟ اور اس کو ریکارڈ کرنے والا کون ہے؟یاور بخاری کے مطابق بطور سیاستدان وہ چاہتے ہیں کہ ان کے علاقے میں ترقی ہو اور لوگ انڈسٹریل زون بنائیں۔ اسی سلسلے میں زمین کی بات چلی تھی جس کی خریداری کیلئے بات چیت کی گئی۔دریں اثنا ٹوئٹر پر اپنے ایک بیان میں یاور بخاری نے کہا کہ ” میڈیا کے چند حلقے اس آڈیو کو استعمال کر کے میرے بھائی سید زلفی بخاری کے خلاف جھوٹا پروپیگنڈا اور سنسنی پھیلانا چاہتے ہیں ۔ یہ تین سال پرانی کال ہے اور میں اپنے بھائی خاور کو اس شخص کی مدد کرنے کا کہہ رہا تھا ، میں ایک سیاستدان ہوں اور ہمیشہ چاہوں گا میرے علاقے میں انویسٹمنٹ آئے۔”یاد رہے کہ نجی ٹی وی ایکسپریس نیوز کے پروگرام میں چلائی گئی اس آڈیو میں سنا جاسکتا ہے کہ یاور بخاری اپنے بھائی خاور بخاری کو کال کرکے ان سے اپنے ایک دوست کی بات کرواتے ہیں جس میں پانچ ہزار کنال زمین کی خریداری کی ڈیل کی جا رہی ہے۔یاور بخاری کے حوالے سے خاور بخاری کو کال کرنے والے شخص نے بتایا کہ وہ اٹک کے علاقے فتح جنگ میں پانچ ہزار کنال زمین خریدنا چاہتے ہیں۔
میڈیا کے چند حلقے اس آڈیو کو استعمال کر کے میرے بھائی سید زلفی بخاری کے خلاف جھوٹا پروپیگنڈا اور سنسنی پھیلانا چاہتے ہیں ۔ یہ تین سال پرانی کال ہے اور میں اپنے بھائی خاور کو اس شخص کی مدد کرنے کا کہہ رہا تھا ، میں ایک سیاستدان ہوں اور ہمیشہ چاہوں گا میرے علاقے میں انوسٹمنٹ آئے pic.twitter.com/zRUXqciguo
— Syed Yawar Abbas Bukhari (@SYABukhari) May 25, 2021
