اسلام آباد (این این آئی)رہنما جمعیت علمائے اسلام (ف )سینیٹر کامران مرتضی نے کہا ہے کہ اپوزیشن لیڈر کے طے شدہ معاملے میں غلطی ہوگئی ہے، غلطی ہوجائے تو اس کا مداوا کرنے سے معاملات حل ہو جاتے ہیں۔ایک انٹرویومیں جے یو آئی ف کے سینیٹر کامران مرتضی نے کہا کہ پاکستان ڈیمو کریٹک موومنٹ (پی ڈی ایم) میں جو دھڑے

بندی نظر آرہی ہے کوشش کر رہے ہیں وہ ختم ہو جائے۔انہوں نے کہا کہ کورونا ویکسین عوامی مفاد کا معاملہ ہے، جسے گزشتہ روز ہم سینیٹ میں لائے۔کامران مرتضی نے کہا کہ کورونا کے خوف میں ویکسین پر پیسے کمانا بڑی چھوٹی سی حرکت ہے، جو ویکسین 1500 روپے میں آرہی ہے اس کا ریٹ حکومت نے 8400 روپے مقرر کیا ہے۔